UBIKIRA WA DAIMA WA MARIA

Mafundisho ya ubikira wa daima wa Maria ni mojawapo ya mafundisho yenye muda mrefu zaidi katika Kanisa.  Mafundisho haya yalifundishwa na Mababa wa Kanisa wa mwanzo, ikiwa ni pamoja na: Tertullian, Mt. Athanasius, Mt. Ambrose, na Mt. Augustine. Na ilitangazwa rasmi kuwa dogma kwenye Baraza la Ekumeni la Tano huko Konstantinople mnamo mwaka 553 B.K. Tangazo hilo lilimuita Maria "daima bikira." Karne moja baadaye, taarifa ya Papa Martin I ilifafanua kwamba "daima bikira" inamaanisha kwamba Maria alikuwa bikira kabla, wakati, na baada ya kuzaliwa kwa Kristo.

Kati ya aina hizo  tatu za ubikira wa daima wa Maria, sehemu rahisi zaidi kuona katika Maandiko ni mimba yake ya bikira kwa Kristo. Mathayo na Luka  wanaelezea kuhusu hilo rejea Mt 1:18; Lk 1:34–35, 3:23. Uzazi huo wa bikira ni dhamana ya umungu na ubinadamu wa Yesu. Inalinda ukweli kwamba yeye alikuwa Mungu kamili na mwanadamu kamili.

Kidogo kinachoonekana ni  ngumu kueleweka ni ubikira wa Maria wakati na baada ya kuzaliwa kwa Kristo. Kuelewa sababu ya hilo kunahitaji kutambua kwamba ubikira wa Maria haukuwa tu sifa mojawapo kati ya nyingine. Ni kitovu cha utambulisho wake. Maisha yake yote, Maria alikuwa na ukamilifu ambao kila binadamu tangu Adamu na Hawa amekosa. Kwa sababu ya ukamilifu huo, mwili wake ulielezea kikamilifu roho yake. Hakukuwa na mvutano kati ya hivyo viwili. Kulingana na hilo, kwa kuwa roho ya Maria ilikuwa imetolewa kabisa kwa Mungu, vivyo hivyo ilikuwa mwili wake. Ubikira wake wa mwili ulikuwa ni ishara endelevu ya utakatifu huo.

Ubikira wa Maria unahifadhi ishara ya kimwili ya ukweli wa ndani. Kufanya hivyo kulihitaji muujiza, lakini si zaidi ya muujiza uliotokea kwa Yesu, baada ya kufufuka kwake, kuingia kwenye chumba ambapo wanafunzi wake walikuwa wanamngojea ingawa mlango ulikuwa umefungwa (Yoh 20:19). Hii ni mojawapo ya sababu pia kwa nini Maria na Yosefu walijizuia kutoka kwa uhusiano wa kawaida wa ndoa. Ubikira wake ulikuwa muhimu mno kwa utambulisho wake.

Mafundisho haya juu ya Ubikira wa Maria, yanatabiriwa katika "aina" mbili za Agano la Kale: Bikira na Sanduku la Agano. Utakatifu wa Sanduku ulitokana na uwepo wa Mungu ndani yake. Uwepo huo ulifanya kuwa takatifu hivi kwamba mtu yeyote aliyekigusa alikufa papo hapo (2 Samweli 6:6–7). Maria, kama Sanduku, alikuwa ameitwa mbali na vitu vyote vingine katika uumbaji. Alikuwa na uwepo wa Mungu ndani yake, uliofungwa kwa kila mtu na kila kitu kingine katika heshima hii.