"Rosa Mystica" ni maneno ya Kilatini yenye maana ya "Waridi lenye fumbo." Jina hili mara nyingi linahusishwa na Bikira Maria katika tamaduni ya Kikatoliki. Linawakilisha usafi, uzuri, na asili yake ya kiroho. Maneno haya hutumiwa mara kwa mara katika sala na nyimbo zilizoandikwa kwa heshima ya Maria
Ibada kwa Bikira Maria kwa jina la "Rosa Mystica" ni tamaduni ya
kale katika Kanisa, ambapo ubora wa pekee wa Mama Yetu uliwakilishwa kishairi kwa
uzuri na harufu nzuri ya waridi, maua yanayochukuliwa kuwa ndiyo maua bora
zaidi.
Ibada hii kwa Bikira Maria Rosa Mystica ilitiwa nguvu
katika nyakati hizi za sasa baada ya Bikira Maria kutokea huko Montichiari na Fontanelle, nchini Italia.
Huko Italia Bikira Maria alimtokea muuguzi aitwaye Pierina Gilli - kuanzia mwaka 1947, na matokeo hayo ya Bikira maria yaliendelea hadi muda mfupi kabla ya kifo cha muuguzi huyo mwaka 1991.
Bikira Mtakatifu
alijitambulisha mwenyewe kama "Maria, Rosa Mystica, Mama wa Kanisa" na
kutoa ujumbe muhimu hasa kwa makuhani na watawa. Aliwahimiza waishi miito yao
kwa heshima, huku akiwataka wale walio katika miito mingine kuwaombea
"Mimi
ni Mama wa Yesu na Mama wa nyote. Bwana wetu amenituma kuwaletea ibada mpya ya
Maria kwa taasisi zote za kiume na kike, mashirika ya kidini, na makuhani wote.
Ninaahidi taasisi hizo za kidini, mashirika, na makuhani wa kilimwengu
wanaoniheshimu kwa njia hii maalumu, ulinzi wangu maalumu, ongezeko la miito ya
kiroho, na utakatifu mkubwa miongoni mwa watumishi wa Mungu."- Maneno
ya Bikira Maria Rosa Mystica, Juni 13, 1947
Katika mfululizo wa matokeo
haya, Bikira Maria alijidhihirisha kwa Pierina akiwa amevaa mavazi yote meupe;
katika gauni refu na joho lenye kofia. Kilicho kuwa cha ajabu kuhusu maonyesho
haya ni maua matatu ya waridi yalionekana yamechanua moja kwa moja kutoka
kifuani mwa Bikira Maria, waridi la kwanza ilikua waridi nyeupe, waridi la pili
ilikuwa waridi nyekundu na tatu ilikuwa waridi ya njano, ambayo kulingana na mtokewa
Pierina, yalionyesha "moyo" wa ufunuo wa Mama Yetu : waridi hizo ziliwakilisha
SALA (Waridi Nyeupe); SADAKA (Waridi Nyekundu); TOBA (Waridi Njano).
Mnamo Aprili 17, 1966, baada ya
kuishi kwa kujitenga kwa karibu miaka 20, Pierina alikwenda kwenye kijito
kilicho pembezoni mwa Montichiari, mahali panapoitwa Fontanelle, ambapo Bikira
Maria alikuwa amemwongoza aende. Huko, Mama Mwenye Heri alijitokeza na kubariki
maji kwa nguvu za uponyaji. Pia aliomba kanisa dogo lijengwe kwenye eneo hilo,
pamoja na hilo aliomba huduma za sala na maandamano yafanyike maeneo hayo kila
Julai 13 hasa kwa jina lake kama Maria,
Rosa Mystica. Ishara na maajabu yalitokea wakati wa matokeo katika eneo hilo – uponyai
wa watu wengi, harufu nzuri ya mbinguni, na siku nyingine jua lilionekana likicheza
– na miujiza mingi mpaka leo inaendelea kuripotiwa.
Pierina Gilli alikufa Januari
12, 1991, baada ya kuishi maisha ya mfano ya ibada ya unyenyekevu na utii kwa
viongozi wa kanisa la eneo hilo. Baada ya kutimiza utume wake wa umma, alikaa
mbali na kanisa la Fontanelle, kwa
maelekezo ya askofu wake, lakini bado alikaribisha mahujaji waliokuja kwenye
kanisa dogo katika nyumba yake. Pierina pia alikuwa dhahiri ni Roho-Mteseka na
inasemekana aliteseka kwa madonda ya Yesu yasiyoonekana..
Mnamo Desemba 7, 2019 Askofu wa
Brescia - Monsinyo Pierantonio Tremolada - chini ya mamlaka yake Fontanelle
iko, aliteua Kikanisa cha Rosa Mystica
kuwa Sehemu ya Kanisa la Jimbo hilo rasmi chini ya jina zuri la Rosa
Mystica-Mama wa Kanisa.
Kuanzia Julai 5, 2024, kwa
kujibu Barua iliyowasilishwa na Askofu Pierantonio kwenda Vatican, Dicastery ya
Mafundisho ya Imani ilitoa idhini rasmi ya tathmini yake chanya ya matunda ya
kiroho ya matokeo na ujumbe wa Rosa Mystica huko Montichiari-Fontanelle. Kwa
hivyo, maonyesho haya sasa yanachukuliwa kuwa moja ya matokeo machache
yaliyoidhinishwa rasmi na kutambuliwa na Roma! Shukrani na Sifa kwa Mungu!
0 Comments